کتوں کے حملے میں کسان ہلاک

ریاست اتر پردیش کے شہر بجنور کے کوتوالی علاقہ کے گجرولا شیو گاؤں میں آج صبح جانوروں کے لیے چارہ لینے کھیت گئے کسان کو کتوں نے نوچ نوچ کر ہلاک کردیا۔

کتوں کے حملے میں شاہد نامی کسان کی موقع پر ہی موت ہو گئی۔ کافی وقت گزرجانے کے بعد جب وہ اپنے گھر نہیں پہنچا تو ان کے اہل خانہ انہیں تلاش کرتے ہوئے کھیت پہنچے جہاں انہوں نے شاہد کو مردہ پایا۔

اطلاع ملتے ہی پولیس موقع پر پہنچی اور لاش کو پوسٹ مارٹم کے لیے بھیج دیا ہے۔

گجرولا شیو گاؤں میں اب تک کتوں نے 3افراد کو ہلاک کر دیا ہے۔اس واقعہ کے بعد سے گاؤں کے لوگ انتہائی خوف و ہراس کے ماحول میں ہیں۔

کتوں کے حملے کے بعد گاؤں کے لوگ اتنے خوف زدہ ہیں کہ کھیت جانے سے بھی گریز کرنے لگے ہیں۔

اس معاملے میں گاؤں والوں نے کئی بار محکمہ جنگلات کو شکایت کی ہے لیکن اب تک محکمے کی جانب سے ان جنگلی کتوں کو پکڑنے کے لیے کوئی کارروائی نہیں کی گئی ہے۔

اس حادثے کے بعد سے کسانوں کے گھر والوں کا رو رو کر برا حال ہے