ریاست بہار کے گیا پارلیمانی حلقے کے متعدد علاقے نکسلیوں سے متاثر ہیں، گیا انتظامیہ ایسے تمام علاقوں میں پرسکون انتخابات کے انعقاد کے لیے لائحہ عمل تیار کرچکا ہے، جلد ہی ان پر کاروائی کی جائے گی۔
اس طرح ریاست مہاراشٹر کے تھانے علاقے میں تین پارلیمانی حلقوں میں تیاریاں زوروں پر ہیں۔
لوک سبھا انتخابات کے پر امن انعقاد کے لیے انتظامیہ کمر بستہ مہاراشٹر کے دارالحکومت ممبئی سے متصل ضلع تھانے کی تین پارلیمانی حلقے ہیں، جہاں 29 اپریل کو چوتھے مرحلے میں ہونے والی پولنگ کے پیش نظر اس کی تیاریاں مکمل کی جاچکی ہیں۔
ضلع کلکٹر راجیش نارویکر نے کہا کہ امسال رائے دہندگان کی تعداد میں بھی اضافہ ہوا ہے، جس میں زیادہ تر جوان اور خواتین کی تعداد بڑھی ہے۔
اورنگ آباد ضلع مجسٹریٹ کے تحت اورنگ آباد اور جالنہ پارلیمانی حلقوں کے انتخابات ہوں گے۔
الیکشن کمیشن نے اس بار معذوروں کا خصوصی خیال رکھنے کی ہدایت کی ہے، جس کے تحت اس مرتبہ معذور افراد اطمینان کے ساتھ ووٹ دے سکیں گے۔
خیال رہے کہ معذوروں کے لیے پی ڈبیلو ڈی نام کا ایپ تیار کیا گیا ہے، جس کی مدد سے معذور افراد خود کانام اس میں شامل کرسکتے ہیں۔
یاد رہے کہ ایسے تمام معذوروں کی تعداد دس ہزار سے زیادہ ہے، جنھیں ووٹنگ کے روز قطار میں کھڑے رہنے کی ضرورت نہیں بلکہ انھیں ضرورت پڑنے پر گھر سے لیکر پولنگ بوتھ تک لانے اور لے جانے کا انتظام کیا جائے گا۔
ریاست اتر پردیش کے میرٹھ کے ڈسٹرکٹ مجسٹریٹ انل ڈینگرا نے پریس کانفرنس کرتے ہوئے انتخاباتی احکامات کے نفاذ کی یقین دہانی کرائی ہے۔
انہوں نےانہوں نے میڈیا سے بات کرتے ہوئے کہا کہ' سوشل میڈیا سمیت سبھی ذرائع ابلاغ پر سخت نظر رکھنے کے لیے متعدد ٹیموں کو تشکیل دیا ہے۔ پیڈ نیوز پر نظر رکھنے کے لیے علیحدہ میڈیا ایکسپرٹ کی ٹیم بنائی ہے۔
