بنگال میں رہنے والوں کو بنگالی سیکھنی ہوگی:ممتابنرجی

مغربی بنگال کی وزیر اعلی ممتا بنرجی نے کہا ہے کہ بنگالیوں کو نقصان پہنچانے والوں کو برداشت نہیں کیا جائے گا اور بنگال میں رہنے کے لیے ہر فرد کو بنگالی زبان سیکھنا ضروری ہے۔

وزیراعلیٰ نے کہاکہ وہ بنگال میں تمام ریاستوں کے عوام کا استقبال کرتی ہیں۔ جیسا کہ انہیں معلوم ہے کہ جب وہ بہار جاتے ہیں تو ہندی بولتے ہیں کیوں کہ وہاں کی زبان ہندی ہے۔تمل ناڈو میں بھی تمل نہیں جاننے کے باوجود کچھ الفاظ تمل کا ضرور بولتے ہیں۔اسی طرح جب آپ بنگال میں رہتے ہیں تو بنگالی سیکھنی چاہیے۔اگر آپ دیگر زبان بولتے ہیں تو ہمیں کوئی پریشان نہیں لیکن آپ کو بنگالی ضرور سیکھنی چاہیے۔

ممتا بنرجی نے دعویٰ کیا کہ یہاں کچھ لوگ بنگالیوں کو پریشان کرتے ہیں مگر انہوں نے یقین دہائی کرایا کہ ایسے لوگوں کو برداشت نہیں کیا جائے گا۔انہوں نے کہا کہ وہ بنگال کو گجرات نہیں بننے دیں گے۔

وزیرا وزیراعلیٰ نے کہا کہ وہ ڈاکٹروں کی حفاظت کی یقین دہانی کراتہ ہیں مگر لاپرواہی برداشت نہیں کی جائے گی۔انہوں نے کہا کہ مریضوں کے پیش نظر ڈاکٹروں کو ہڑتال ختم کر دینا چاہیے۔

انہوں نے نے ایک بار پھر ووٹنگ مشین میں چھیڑ چھاڑ کا معاملہ اٹھاتے ہوئے کہا کہ بیلٹ پیپر کو واپس لانے کی ضرو رت ہے۔ انہوں نے کہا کہ بی جے پی نے ووٹنگ مشینوں میں چھیڑ خوانی کرکے جیت حاصل کی ہے۔اس کا مطلب ہرگز یہ نہیں ہے کہ بنگالی اور اقلیتوں پر مظالم کو وہ برداشت کرتی رہیں گی۔