انہوں نے کنہیا کمار کے انتخابی مہم میں شامل نغمہ نگار جاوید اختر کے بارے میں کہا کہ بھارت ایک جمہوری ملک ہے جہاں ہر شخص کو انفرادی رائے رکھنے کا حق ہے۔ جاوید اختر صاحب بہت ہی ذی شعور انسان ہے۔ سمجھدار ہیں ایسے میں کنہیا کی انتخابی مہم میں شامل ہونا کوئی غلط کام نہیں ہے'۔
انہوں نے بہار کے بیگو سرائے سے لوک سبھا امیدوار کنہیا کمار کے بارے میں کہا کہ نوجوان رہنما ہے ملک سے محبت کرتا ہے اس میں ولولہ ہے جوش ہے جذبہ ہے۔ عوام کی آواز ہے اسے پارلیمان میں ضرور پہنچنا چاہیے۔ انہوں نے کنہیا کے لیے مکمل حمایت کا بھی اعلان کیا۔
آخر میں انہوں اپنی ذاتی زندگی سے متعلق کہا کہ وہ سیاست میں کبھی نہیں آئیں گے انہوں کہا کیونکہ عوام کے سامنے مجھے جھوٹ بولنا نہیں آتا ہے۔