نقوی کی قابل اعتراض تقریر پرالیکشن کمیشن کا انتباہ

الیکشن کمیشن نے اقلیتی امور کے مرکزی وزیر مختارعباس نقوی کو انتخابی تشہیر کے دوران رامپور میں قابل اعتراض تقریر کرنے کے معاملے میں متنبہ کیا ہے اور انہیں مستقبل میں ایسا نہ کرنے کی صلاح دی ہے۔

کمیشن کے چیف سکریٹری انج جے پوریا نے جمعرات کو جاری اپنے حکم میں کہا کہ رامپور کے ضلع الیکشن کمشنر نے نقوی کو پانچ اپریل کو اس بات کے لئے نوٹ جاری کیا تھا کہ انہوں نے تین اپریل کو رامپور میں اپنی انتخابی تقریر میں ’مودی کی سینا‘ کا ذکر کیا تھا جو انتخابی ضابطہ اخلاق کی خلاف ورزی ہے۔ کمیشن کے مطابق نقوی کا جواب آٹھ اپریل کو ملا تھا۔ واضح رہے کہ کمیشن نے 9 مارچ کو ہی ایک خط جاری کرکے سبھی سیاسی پارٹیوں کو آگاہ کیا تھا کہ وہ انتخابی تشہیر کے دوران فوج کا استعمال نہ کریں اور نہ ہی ان کا ذکر کریں۔

کمیشن نے نقوی کی تقریر کی ویڈیو ریکارڈنگ دوبارہ سے دیکھی اور وہ اس بات پر متفق ہے کہ نقوی کی یہ تقریر کمیشن کی جانب سے جاری کئے گئے احکام کے مطابق نہیں ہے اس لئے کمیشن نے مسٹر نقوی کو انتباہ جاری کیا ہے کہ وہ سیاسی تشہیر کے لئے فوج کے مستقبل کا ذکر نہ کریں۔