طالبان کے حملہ میں آٹھ فوجی ہلاک

افغانستان میں شمالی قندوز صوبہ میں فوجی اڈے پر طالبان شدت پسندوں کے حملہ میں کم سے کم آٹھ فوجی ہلاک اور چار زخمی ہوگئے ۔مقامی افسران نے اتوار کو یہ اطلاع دی۔

قندوز صوبائی کونسل کے ایک رکن نے بتایا،’’ طالبان شدت پسند وں نے امام صاحب ضلع میں فوجی اڈہ پر زبردست حملہ کیاجس میں کم سے کم آٹھ فوجیوں کی موت ہوگئی اور چار زخمی ہوگئے اور کچھ پکڑ لیے گئے ۔‘‘

مقامی پولیس نے اس واقعہ پر کچھ بھی کہنے سے انکار کردیا۔
یہ حملہ ایسے وقت ہواہے جب قطر کے دارلحکومت دوحہ میں امریکہ اور طالبان کے مابین امن مذاکرات کا آج دوسرا دن ہے۔
اس بات چیت کا مقصدخطہ میں دہائیوں سے طالبان اور سلامتی دستوں کے درمیان جاری تصادم کو ختم کرناہے ۔
طالبان نے حالیہ ہفتوں میں جمعہ کو سب سے بڑا حملہ کیاتھا جس میں بغلان اور قندھار صوبہ میں 43افغان سلامتی دستوں کی موت ہوئی تھی۔