دھوپ کی شدت سے کوڑے دان میں آگ لگ گئی

ریاست تلنگانہ میں گرمی اپنے شباب پر ہے اور روز بروز دھوپ کی شدت میں اضافہ ہوتا جاہا ہے، فی الوقت حیدرآباد کا درجہ حرارت 40 ڈگری تک پہنچ چکا ہے۔

شہر حیدرآباد میں گرمیوں کے دنوں میں دھوپ سے آگ لگنے کی واردات اکثر سامنے آتی رہتی ہیں۔

ایسا ہی ایک واقعہ جمعے کے روز دوپہر پرانی شہر کے قدیم میر عالم تالاب کے قریب قومی شاہراہ پر پیش آیا، جہاں ایک کوڑے دان میں شدید دھوپ اور گرمی کی وجہ سے آگ لگنے کی خبر سامنے آئی ہے۔ تاہم اس واقعے میں کسی قسم کا جانی و مالی نقصان نہیں ہوا۔

مقامی لوگوں کے مطابق دھوپ کی شدت کی وجہ سے آگ لگنے کا یہ واقعہ پیش آیا، بعض افراد نے قومی شاہراہ کے کنارے واقعہ اس کوڑے دان پر برہمی کا اظہار کرتے ہوئے کہا کہ' لب سڑک موجود اس کوڑے دان میں لگنے والی آگ سے راہ گیروں کو نقصان پہنچ سکتا ہے۔ عوام نے بلدیہ پر لاپرواہی کا الزام عائد کرتے ہوئے فوری طور پر اسے کوڑے دان کو منتقل کرنے مطالبہ کیا'۔