حج کمیٹی میں سود کی رقم کے استعمال پر تنازع

مہاراشٹر حج کمیٹی کے چیئرمین جمال صدیقی نے مرکزی حج کمیٹی کے ذریعہ سود کی رقم کے استعمال پر سخت ناراضگی ظاہر کرتے ہوئے اس پر فوری روک لگانے کا مطالبہ کیا ہے۔

انہوں نے کہا کہ اسلام میں سود حرام ہے اور حج جیسے مقدس فریضے کی ادائیگی کے لیے سود کی رقم کا استعمال بند ہونا چاہیے۔

ریاستی حج کمیٹی کے چیئرمین نے ممبئی میں منعقد مہاراشٹر اسٹیٹ حج کمیٹی کی میٹنگ میں مرکزی حج کمیٹی سے سود کی رقم پر روک لگانے اور اصل رقم سے حج کرنے کے انتظامات و اخراجات کو پورا کرنے کا مطالبہ کیا گیا ہے ۔

جمال صدیقی نے اس متعلق مرکزی وزارت اقلیتی امور اور وزیر اعظم کو مکتوب روانہ کرنے کا بھی فیصلہ کیا ہے۔

واضح رہے کہ حاجیوں کے جمع پیسے سے حاصل سود سے مرکزی حج کمیٹی اپنی ضروریات پوری کرتی ہے جو اول دن سے ہی اس طرح کے سود کے استعمال پر روک لگانے کا مطالبہ کیا جاتا رہا ہے۔