ضرورت مند طلبا میں کتابیں تقسیم

گزشتہ 28 برسوں سے دہلی یوتھ ویلفیئر ایسوسی ایشن کی جانب سے ضرورت مند طلبا میں کتابیں مفت تقسیم کی گئیں۔

ہر برس کی طرح امسال بھی نویں دسویں اور بارہویں جماعت کے طلبہ و طالبات کو کتابیں تقسیم کی گئیں جبکہ دسویں جماعت کے نتائج آنے کے بعد گیارہویں جماعت کو بھی کتابیں تقسیم کی جائیں گی۔

یہ تقریب دہلی یوتھ ویلفیئر ایسوسی ایشن کے صدر محمد محمد نعیم کی صدارت میں منعقد کی گئی اس موقع پر سوسائٹی کے رکن اور پرنسپل فرید الحق وارثی نے اپنے خیالات کا اظہار کرتے ہوئے کہا کہ ہمیں لینے کے بجائے دینے والا بننے کی کوشش کرنی چاہیے۔

انہوں نے کہا کہ تعلیم کے بغیر کوئی بھی قوم ترقی نہیں کر سکتی ہمیں چاہیئے کہ ہم اپنے دوسرے اخراجات پر قابو پاکر اپنے بچوں کو بہتر تعلیم سے آراستہ کریں۔

ایسوسی ایشن کی سرپرست خلیل احمد نے بچوں سے خطاب کرتے ہوئے کہا کہآج اس تقریب میں لڑکیوں کی تعداد بہ نسبت لڑکوں کے زیادہ ہے۔

مجھے خوشی ہے کہ لڑکیاں تعلیم کے میدان میں نمایاں کارگردگی انجام دے رہی ہیں اور لڑکیوں کا تعلیم یافتہ ہونا نسلوں کو تعلیم یافتہ بنانا ہے۔

محمان خصوصی کے طور پر شرکت کرنے آئے انجینئر خورشید نے بچوں کو تعلیم کی اہمیت سے روبرو کراتے ہوئے کہا کہ مجھے بہت خوشی ہے کہ ہر برس سوسائٹی بڑی تعداد میں بچوں اور بچیوں کو کتابیں تقسیم کرتی ہے جس سے طلبا کو پڑھنے میں کافی مدد ملتی ہے۔