کھڈونی-سنگم شاہراہ کی خستہ حالی سے عوام کو مشکلات

ریاست جموں کشمیر کے جنوبی ضلع کولگام میں کھڈونی سے سنگم جانے والی سڑک سنہ 2014 کے سیلاب میں خستہ ہوگئی تھی۔

سڑک کی خستہ حالی سے عوام کو شدید مشکلات سے دو چار ہو ہونا پڑتا ہے۔

مقامی باشندوں نے ای ٹی وی بھارت کو بتایا کہ انہوں نے متعلقہ محکموں سے کئی بار اس سڑک کو ٹھیک کرنے کا مطالبہ کیا تاہم دسمبر 2018میں پی ایم جی ایس وائی کے تحت کام شروع کیا گیا اور چند مٹی کی گاڑیاں اس پر انڈیل دی گئی جس سے ’’مشکلات میں مزید اضافہ ہوا۔‘‘

انہوں نے مزید کہا کہ بارشوں کی وجہ سے مٹی کھسک جاتی ہے اور سڑک پر سے گاڑیوں کا گزر ہونا ناممکن ہو جاتا ہے۔

ای ٹی وی بھارت کے ساتھ بات کرتے ہوئے مقامی باشندوں نے الزام عائد کیا کہ پچھلے سال سے سڑک کی مرمت کا کام رکا ہوا ہے اور انتظامیہ کا کہنا ہے کہ سڑک کو کشادہ کرنے کا منصوبہ زیر غور ہے، جس کے بعد ہی سڑک کو دوبارہ تعمیر کیا جا سکے گا۔

انکا کہنا تھا کہ بعض اوقات گاڑیاں کیچڑ میں ہی پھنس جاتی ہیں اور انہیں رات سڑک پر ہی گزارنی پڑتی ہے۔

مقامی باشندوں نے انتظامیہ سے گزارش کی ہے کہ سڑک کی فوری مرمت کرکے عوام کی مشکلات کا ازالہ کیا جائے۔