ہگلی سے بی جے پی کی رکن پارلیمان لاکٹ چٹرجی نے لوک میں خطاب کرتے ہوئے کہاکہ مغربی بنگال میں کٹ منی نام کاطوفان میں حکمراں جماعت کے تمام رہنماتباہ وبرباد ہو جا ئیں گے۔
انہوں نے کہاکہ مغر بی بنگال کی وزیراعلیٰ ممتابنر جی کے ترنمول کانگریس کے رہنماؤں کے کٹ منی لینے کی بات تسلیم کرنے کے بعد یہ ثابت کرنے کی ضرورت نہیں ہے کہ ریاست میں کیا چل رہا ہے۔
رکن پارلیمان نے کہاکہ حکمراں جماعت ترنمول کانگریس کے رہنماابتداء سے ہی رشوت خوری کے دلدل میں ڈوبے ہوئے ہیں۔ان سے کسی قسم کی بہتری کی امید نہیں کر سکتے ہیں۔
لاکٹ چٹر جی نے ترنمول کانگریس کی رہنما پر کٹ منی لینے کا الزام عائد کرتے ہوئے کہاکہ اگر کسی پارٹی کی سربراہ اپنے ہی رہنما ؤں کے کٹ منی لینے کااعتراف کر تی ہیں اس کا مطلب یہ ہے کہ وہ پہلے سے ہی سب کچھ جانتی ہیں۔
انہوں نے کہاکہ ممتابنرجی جب اپنے رہنماؤں کے کٹ لینے کا اعتراف کرسکتی ہیں تو یہ ممکن ہے کہ ان کا اس میں ھصہ داری ہو۔آنے والے دنوں میں مغر بی بنگال میں حکمراں جماعت کے رہنماؤں کو کٹ منی لینے کا بھاری خمیازہ بھگتنا پڑے گا۔