مظفرنگر میں کورونا کے ریکارڈ 55 نئے کیسز

اترپردیش کے مظفرنگر میں بھی کورونا کا قہر جاری ہے جبکہ یہاں آج کورونا کے 55 نئے معاملے سامنے آئے ہیں۔

مظفر نگر میں گذشتہ 24 گھنٹوں کے دوران کورونا وائرس کے ریکارڈ 55 نئے کیسز درج کئے گئے جبکہ اسی دوران ایک مریض کی موت ہوگئی اور 91 افراد صحتیاب ہوئے ہیں۔ ضلع میں اب تک اس وبا سے 255 موت ہوئی ہیں۔

اترپردیش کے ضلع مظفر نگر میں کورونا کیسز میں اضافہ کا سلسلہ جاری ہے۔ آج ضلع میں 55 نئے مثبت کیس ملے۔ راحت کی بات یہ بھی رہی کہ گذشتہ 24 گھنٹوں کے دوران 91 مریض صحتیاب ہوئے ہیں۔

مظفر نگر میں اب مریضوں کی مجموعی تعداد 948 ہوگئی ہے۔ گذشتہ 24 گھنٹوں میں کورونا سے متاثر ہونے والے 55 مریضوں میں سے بعض کو بیگراج پور میڈیکل کالج کے آئسولیشن وارڈ میں بھیجا گیا اور کچھ مریضوں کو ہوم آئسولیٹ میں رکھا گیا ہے۔ اب تک ضلع بھر میں اس وبا سے کل 28989 افراد صحتیاب ہوچکے ہیں۔