'کانگریس حکومت اپنا وعدہ پورا کرے گی'

مدھیہ پردیش کے وزیر برائے اعلی تعلیم جیتو پٹواری نے آج کہا کہ کانگریس حکومت اپنے ہر وعدے کی پکی ہے اور منشور میں کئے گئے تمام وعدے پورے کئے جائیں گے۔

مسٹر پٹواری نے آج یہاں حکومت کے چھ ماہ پورے ہونے پر اپنے محکمہ کی حصولیابیوں کا ذکر کرتے ہوئے صحافیوں سے بات چیت کے دوران کہا کہ حکومت اپوزیشن کو بھی ساتھ میں لے کر کام کرنا چاہتی ہے۔ کانگریس کا منشور پانچ سال کے لائحہ عمل کا تھا۔ منشور معیاد بند طریقے سے پورا ہوگا۔ ایک ایک وعدہ پورا کیا جائے گا۔

اپنے محکمہ کے کاموں کی تفصیلات فراہم کرتے ہوئے مسٹر پٹواری نے کہا کہ محکمہ نے او بی سی طبقات کے طالب علموں کو مفت کتابیں اور کالج عمارتوں میں کوچنگ جیسے کام کئے گئے ہیں۔

انہوں نے کہا کہ مہمان سکالرس کے ساتھ نا انصافی نہیں ہو گی۔کسانوں کی قرض معافی کی تعلق سے پوچھے گیے سوال پر مسٹر پٹواری نے کہا کہ قرض معافی کے عمل کا دوسرا مرحلہ شروع کیا گیا ہے۔ 80 فیصد کسان قرض معافی کے دوسرے مرحلے میں شامل ہوں گے۔ سب سے زیادہ ضرورت والے کسانوں کو ترجیح دی جا رہی ہے ۔ انہوں نے دعوی کیا کہ کانگریس حکومت پوری ایمانداری سے کام کر رہی ہے ۔ ایک ایک شخص پوری لگن سے کام کر رہا ہے.