کانگریس نے پانچویں فہرست جاری کی

عام انتخابات 2019کے لیے کانگریس پارٹی نے پیر کے دیر رات ایک اور فہرست جاری کی ہے، جس میں قد آور رہنماؤں کے نام شامل ہیں۔

لوک سبھا انتخابات کے لیے الیکشن کمیشن نے تاریخوں کا اعلان کر دیا ہے۔ جیسے جیسے پولنگ کی تاریخ قریب آرہی ہے سیاسی جماعتوں کی جانب سے امیدواروں کی فہرست یکے بعد دیگرے بھی سامنے آرہی ہے۔

اسی ضمن میں کانگریس پارٹی نے کل دیر رات اپنے قدآور امیدوروں کی پانچویں فہرست بھی جاری کی ہے، جس میں اترپردیش، آندھراپردیش، اڈیشہ، تلنگانہ، مغربی بنگال، اور لکشدیپ کی 56 سیٹوں پر امیدواروں کے نام شامل ہیں۔

واضح رہے کہ پارٹی آندھراپردیش کے لیے 132 اور اڑیسہ اسمبلی انتخابات کے لیے 36 سیٹوں پر امیدوروں کے نام کا اعلان کردیا ہے۔

پارٹی کے جنرل سکریٹری مکل واسنِک کی جانب سے ایک بیان جاری کیا گیا ہے، جس میں کہا گیا ہے کہ اترپردیش کی تین، آندھراپردیش کی 22 آسام کی پانچ، اڈیشہ کی چھ، تلنگانہ کی آٹھ، مغربی بنگال کی 11 اور لکشدیپ کی ایک لوک سبھا سیٹوں پر امیدواروں کا اعلان کیا گیا ہے۔