کانگریس ہیلپ ڈیسک لوگوں کی مدد میں مصروف

نوئیڈا کانگریس کی ہیلپ ڈیسک ٹیم کورونا سے متاثرہ افراد کی مدد کے لیے آگے آئی ہے۔

نوئیڈا کانگریس کمیٹی کے صدر شہاب الدین اور ان کی ٹیم کورونا سے متاثرہ مریضوں کی مدد ہیلپ ڈیسک کے ذریعے کررہی ہے۔ ضرورت مندوں، کچی آبادیوں اور جھگی جھوپڑی میں سینیٹائزیشن کرایا جا رہا ہے۔

اس کے علاوہ کورونا وائرس کے علاج کے لئے ہر ممکن کوشش کی جارہی ہے۔ ہیلپ ڈیسک کی ٹیم نے متاثرہ مریضوں کے تیمارداروں کو آکسیجن کا سلنڈر دلایا تاکہ ان کی سانسوں کی ڈور کو ٹوٹنے سے بچایا جاسکے۔

صدر شہاب الدین نے کہا کہ یہ ہیلپ ڈیسک قومی جنرل سکریٹری اور کانگریس پارٹی کی یوپی انچارج پرینکا گاندھی اور ریاستی صدر اجے کمار للو کی ہدایت پر قائم کیا گیا ہے۔ آگے چل کر اس ہیلپ ڈیسک کے ذریعے لوگوں کی مزید مدد کی جائے گی۔