کمپیوٹر باباؤں کا دگ وجے کی حمایت میں روڈ شو

بھوپال میں کمپیوٹر بابا نے سادھو سنتوں کے ساتھ دگ وجے سنگھ کی حمایت میں روڈ شو کرکے ووٹ دینے کی اپیل کی۔

سادھو سنتوں نے کل ہاون کر دیگ وجے سنگھ کی کامیابی کیلئے دعا کی تھی اور آج بھوپال کے امامی گیٹ سے ان سادھو سنتوں نے ہزاروں کی تعداد میں روڈ شو کیا۔

اس روڈ شو کے دوران سادھو ہاتھوں میں بی جے پی کے خلاف تختیاں لیے ہوئے تھے، تو وہیں یہ سادھو سنت مودی کے خلاف نعرے لگا رہے تھے۔ ریلی میں شرکت کررہے سادھو سنتوں سے جب ای ٹی وی بھارت نے بات کی تو انہوں نے کہا ہمارے سنت بابا کمپیوٹر کا کہنا ہے رام مندر نہیں تومودی نہیں۔

ریلی میں موجود سادھو سنتوں کا کہنا ہے دگ وجے سنگھ کو کامیاب بنانے کے لیے ہم ان کی حمایت کر رہے ہیں۔ انہوں نے کہا کہ بی جے پی کی حکومت میں سادھو سنتوں کو نظر انداز کیا گیا ہے اور اپنا وعدہ جوکی رام مندر کی تعمیر کا تھا پورا نہیں کیا ہے۔ اس لئے ہم ان سے ناراض ہے اور اس بار کانگریس پارٹی کی حمایت میں ہیں۔