بیٹے کے لئے باپ کا دوڑنا نئی بات نہیں:گہلوت

راجستھان کے وزیر اعلی اشوک گہلوت نے وزیر اعظم نریندر مودی کے نسل پرستی کے الزام پر کہا ہے کہ بیٹے کے لئے باپ کا دوڑنا نئی بات نہیں ہے۔

گہلوت نے آج یہاں پریس کانفرنس میں اس سلسلہ میں پوچھے گئےسوال پر کہا کہ ہر باپ اپنے بیٹے کے لئے دوڑتا ہے، لیکن مودی کیا جا نیں خاندان کا مطلب۔
انہوں نے کہا کہ اگر میں گلی گلی دوڑ رہا ہوں تو مودی کو کیوں تكليف ہورہی ہے۔
ان کے بار بار دہلی کے چکر لگانے کے بارے میں مودی کی بات پر انہوں نے کہا کہ انہیں کیسے معلوم کہ میں دہلی جاتا ہوں، كيا وہ میرا فون ٹیپ کرا رہے ہیں۔کیا وہ میری جاسوسی کراتے ہیں۔