صدر تلنگانہ اسٹیٹ اردو اکیڈمی مولانا رحیم الدین انصاری نے ایوارڈز کی تفصیلات بتاتے ہوئے کہا کہ اردو کے فروغ میں دینی مدارس کا اہم رول رہا ہے جس میں ندوۃ العلماء سرفہرست ہے۔ مولانا رابع حسنی ندوی کی زیر نگرانی اس ادارے نے اردو کے فروغ کے لیے نمایاں کارنامے انجام دیے ہیں جس کی وجہ سے مولانا رابع حسنی ندوی کو مولانا ابوالکلام ایوارڈ کےلیے منتخب کیا گیا ہے جو اکیڈمی کے لیے باعث فخر ہے۔
بالآخر تلنگانہ اردو اکیڈیمی کے ایوارڈس کا اعلان اس کے علاوہ مختلف زمروں میں ریاستی سطح کے کے سات ایوارڈز کے لیے 28 افراد کا انتخاب کیا گیا جس میں شاعری، فروغ اردو، تحقیق و تنقید، صحافت اور نثر کے علاوہ تعلیم و تدریس میں نمایاں خدمات انجام دینے والی شخصیات شامل ہیں۔ یہ ایوارڈز 2014 تا 2017 کے لیے دیے جائیں گے۔
واضح رہے کہ قیام تلنگانہ کے بعد اردو اکیڈمی نے پہلی بار ایوارڈز کی تقسیم کا اعلان کیا تھا لیکن حکومت تلنگانہ کی جانب سے بجٹ کی عدم اجرای کے باعث ایوارڈز کی تقسیم عمل میں نہیں لائی گئی۔
