تین روپے کے جھگڑے میں ایک شخص زخمی

ریاست جموں کشمیر کے ضلع رامبن کے ایک میڈیکل اسٹور پر کام کرنے والے ملازم نے تین روپے ادا نہ کرنے پر مریض کے سر پر ڈنڈا مار کر زخمی کردیا۔

اطلاعات کے مطابق مریض امتیاز احمد بشیر احمد میر ساکن وارڈ نمبر 4 رامبن گذشتہ شب بس اسٹینڈ کے ایک میڈیکل اسٹور پر دوا لینے کے لیے گیا تھا۔ تین روپے کم ہونے پر آپس میں بحث ہوگئی۔

ای بحث کے دوران میڈیکل اسٹور پر کام کرنے والے ملازم نے مریض کے سر پر ڈنڈے سے وار کردیا۔ جس سے وہ شدید زخمی ہوگیا۔ اسے ضلع ہسپتال میں داخل کیا گیا۔

رامبن پولیس نے ملزم ادون سنگھ کو گرفتار کرلیا ہے۔