ریاست کرناٹک کے وزیراعلیٰ کمارا سوامی بنگلور سے کرناٹک ایکسپریس کے ذریعے 21 جون کو صبح تین بج کر پچاس منٹ پر ریلوے سٹیشن پہنچیں گے۔
واضح رہے کہ گرمٹکل کے چنڈرکی گاؤں میں کمارا سوامی رات بھی گزاریں گے، اور صبح ساڑھے سات بجے یادگیر کے چنڈرکی گاؤں کے لیے روانہ ہوں گے۔
چنڈرکی گاؤں میں صبح 10 بجے سے شام چھ بجے تک عوام دربار کے ذریعے عوامی شکایت سنیں گے۔ وزیراعلیٰ شام ساڑھے چھ بجے چنڈرکی میں ہی کسانوں سے متعلق جانکاری حاصل کریں گے۔
اس کے بعد بچوں کی جانب سے منعقدہ کلچرل پروگرام میں شرکت کریں گے، اور پھر طلبہ اور اساتذہ کے ساتھ عشائیہ بھی کریں گے۔
کماراسوامی چنڈرکی کے سرکاری ہیئر پرائمری سکول میں رات قیام کرنے کے بعد 22 جون کو صبح ساڑھے سات بجے یہاں سے ضلع گلبرگہ کے فضل پور کے لیے روانہ ہوجائیں گے۔