چرارشریف: خاتون کا اقدام خودکشی، اسپتال میں شریک

ضلع بڈگام کے چرارِ شریف علاقے میں واقع تراجی بل میں آج ایک خاتون نے اپنے گھر مبینہ طور پر زہریلی اشیاء کھاکر خودکشی کی کوشش کی۔

وسطی کشمیر کے تراجی بل میں ایک خاتون نے خودکشی کی کوشش کی جبکہ اس نے مبیہ طور پر زہریلی شئے کا استعمال کیا۔ ذرائع کے مطابق خاتون کو فوری طور پر قریبی اسپتال منتقل کیا گیا۔ اب اس کی حالت مستحکم بتائی جارہی ہے۔

چرارشریف پولیس کے مطابق فوری طور پر اقدام خودکشی کی وجہ معلوم نہ ہوسکی۔ پولیس نے اس معاملہ میں تحقیقات کا آغاز کردیا ہے۔ امید کی جارہی ہے کہ بہت جلد خودکشی کی کوشش کرنے کی وجوہات کا پتہ چل جائے گا۔