کون کہتا ہے کہ آسمان میں سراخ نہیں ہوسکتا: اسمرتی

مرکزی وزیر اور بھارتیہ جنتا پارٹی کی رہنما اسمرتی ایرانی نے امیٹھی لوک سبھا حلقہ سے جیت حاصل کرنے کے بعد کہا کہ کون کہتا ہے کہ آسمان میں سراخ نہیں ہوسکتا۔

ایرانی نے اترپردیش میں گاندھی خاندان کی روایتی امیٹھی سیٹ سے کانگریس صدر راہل گاندھی کو شکست سے دوچار کیا ہے۔ گزشتہ لوک سبھا انتخابات میں ایرانی اس سیٹ سے ہار گئیں تھیں۔

ان انتخابات میں انہوں نے کانگریس صدر کو ساڑھے 45 ہزار سے زیادہ ووٹوں سے پیچھے چھوڑ دیا ہے۔ راہل گاندھی نے بھی امیٹھی سیٹ پر اپنی ہار قبول کرتے ہوئے ایرانی کی جیت پر مبارک باد دی ہے۔

اس کے بعد بی جے پی رہنما نے اس تاریخی فتح سے پرجوش ہوکر جمعرات کو مشہور شاعر دشنت کمار کے مصرعے کو ٹوئٹ کیا کہ کون کہتا ہے کہ آسماں میں سراخ نہیں ہوسکتا' اس کا اگلا مصرعہ ہے 'ایک پتھر تو طبیعت سے اچھالو یارو'۔