دہلی ہائی کورٹ نے مرکز کی سرزنش کی، کہا عدالت آنکھیں نہیں موند سکتی

ہائی کورٹ نے دہلی میں کورونا کے بڑھتے معاملات اور اس مہلک وبا سے ہونے والی اموات پر مرکزی حکومت کو پھٹکار لگاتے ہوئے کہا کہ کورٹ آنکھیں موند نہیں سکتا۔

دہلی ہائی کورٹ نے مرکزی حکومت کو پھٹکار لگاتے ہوئے کہا کہ دہلی میں لوگ مر رہے ہیں اور آپ کو لگتا ہے کہ یہ بیان بازی ہے۔ جسٹس وپن سنگھی نے یہ تبصرہ مرکزی حکومت کی جانب سے پیش کردہ اے ایس جی چیتن شرما کے معاملے پر کیا جس میں انہوں نے دہلی حکومت پر برہمی کا اظہار کیا تھا کہ دہلی میں لوگ مر رہے ہیں۔

دراصل سماعت کے دوران دہلی حکومت کی جانب سے وکیل راہل مہرا نے کہا کہ دہلی میں لوگ مر رہے ہیں۔ اس پر چیتن شرما نے مداخلت کی اور کہا کہ آپ ہر بار کڑوی بات کرتے ہیں۔ اس پر ہائی کورٹ نے مداخلت کی اور کہا کہ آپ اسے کڑوی بات نہ کہیں۔ لوگ مر رہے ہیں، کیا یہ ٹھیک نہیں ہے؟ آپ اندھے ہو سکتے ہیں لیکن عدالت آنکھیں موند نہیں سکتی۔ اس قسم کی زبان استعمال نہ کریں۔