لکھنؤ۔ آگرہ ایکسپریس وے پر بھیانک حادثہ، پانچ ہلاک

لکھنؤ۔ آگرہ ایکسپریس وے پر ڈرائیور کی جھپکی کی وجہ سے مسافروں سے بھری بس کا ٹرک سے زبردست تصادم ہوگیا جس میں ایک بچہ سمیت پانچ افراد کی دردناک موت ہوگئی، جبکہ متعدد افراد زخمی ہوگئے۔

بتایا جاتا ہے کہ بس ڈرائیور نیند کی حالت میں گاڑی چلا رہا تھا جیسے جھپکی لگی بس بے قابو ہوکر چمبل کے ایک ٹرک سے ٹکراگئی۔

بس مسافروں سے کھچاکھچ بھری ہوئی تھی یہاں تک کہ بس کی گیلری میں بھی مسافر بیٹھے ہوئے تھے، زیادہ تر مسافر بہار کے تھے جو معاش کی تلاش کے لیے راجستھان کے جے پور جارہے تھے۔

مسافروں کا کہنا ہے کہ بس میں دو ڈرائیور موجود تھے لیکن اس کے باوجود ڈرائیور کو جھپکی لگنے کی وجہ سے اتنا بڑا حادثہ رونما ہوا ہے۔

حادثے کے بعد مسافروں کی چیخ و پکار سن کر مقامی لوگ جائے حادثہ پر پہنچے اور زخمیوں کو کافی مشقت کے بعد باہر نکالا گیا اور انہیں مقامی اسپتال میں داخل کرایا۔