شمالی 24 پرگنہ کے کنچڑا پاڑہ مں ترنمول کانگریس کے جلسے کے دوران بی جے پی کے حامیوں نے جے شری رام کا نعرہ لگاکر ماحول بگاڑنے کی کوشش کی تھی۔
ترنمول کانگریس کے بڑے رہنماوں نے جب مخالفت کی تو بی جے پی کے حامیوں نے پتھر بازی شروع کردی تھی۔ پولیس نے حالات کو قابو میں کرنے کے لیے دونوں پارٹیوں کے حامیوں پر لاٹھی چارج کیا تھا۔
کنچڑا پاڑہ اسٹیشن پر بی جے پی کی غنڈہ گردی بی جے پی پارٹی کے حامیوں نے پولیس پر بلا وجہ لاٹھی چارج کرنے کا الزام لگاتے ہوئے پرُتشدد مظاہرہ کیا اور کنچڑا پاڑہ اسٹیشن پر ٹرینوں کی آمدو رفت میں رخنہ ڈالا۔ رخنہ اندازی کی وجہ سے سیالدہ مین سیکشن میں گھنٹوں ٹرینوں کی آمد و رفت متاثر رہی۔
بی جے پی کے کارکنان کاکہنا ہے کہ ترنمول کانگریس کے کہنے پر پولیس نے ہم پر لاٹھی چارج کیا۔انہوں نے قصوروار پولیس اہلکاروں کی گرفتاری کامطالبہ کیا۔
