بی جے پی کے رہنما کا پولیس کمشنرکے رول پر سوال

بی جے پی کے رہنما ارجن سنگھ نے گزشتہ ضمنی انتخابات کے دوران بی جے پی کے کارکنان پر حملہ اور علاقے میں بمباری پر پولیس کمشنرکے رول پر سوال اٹھایا۔

انہوں نے کہاکہ ترنمول کانگریس کے امیدوار مدن مترا اور ان کے حامیوں نے گزشتہ روز کانکی نارہ اور اس کے اطراف میں بی جے پی کے کارکنان پر حملہ کیا اور علاقے میں بم باری کی۔
ضمنی انتخابات سے پہلے اور اب تک ترنمول کانگریس کے امیدوار مدن مترا نے کانکی نارہ اور اس کے اطراف میں دہشت مچا رکھی ہے۔ان کی وجہ سے علاقے کا ماحول دہشت زدہ ہے۔

بی جے پی کے رہنما کےمطابق بیرکپور کے پولیس کمشنر تماشائی بنے ہوئے ہیں۔ پورے کیس میں ان کا رول مشکوک ہے۔بیرکپور پولیس کمشنر کا رول مشکوک ہے۔سوال ان سے کرنا چاہیے تھا کہ ضمنی انتخابات کے دوران کانکی نارہ میں دہشت پھیلانے کا ذمہ دار کون ہے۔