سمینار میں کالج کے طلبہ نے بڑی تعداد میں شرکت کی۔
اس موقع پر مقررین نے رمضان المبارک پر تفصیلی روشنی ڈالی اور کہا کہ رمضان کا مہینہ ہدایت ہمدردی اور دوسروں کے کام آنے کا درس دیتا ہے۔
بانڈی پورہ : رمضان کی فضیلت پر سمینار شرکا نے کہا کہ اس مہینے میں یتیموں، محتاجوں، غریبوں کا خاص خیال رکھنا چاہیے۔
پروگرام کے دوران یتیم فاونڈیشن کی جانب سے تیار کردہ فلم بھی پیش کی گئی۔
سمینار کو منعقد کرنے کے لیے ڈگری کالج بانڈی پورہ جموں و کشمیر یتیم فاونڈیشن بانڈی پورہ کا اشتراک حاصل رہا۔
تقریب میں کہا گیا کہ رمضان المبارک کا مہینہ قدر و قیمت اور شرف و منزلت کے اعتبار سے تمام مہینوں میں ممتاز اور نمایاں ہے۔
اس مہینہ کو یہ شرف حاصل ہے کہ اس کو سید الشہور (مہینوں کا سردار) کہا گیا ہے ۔ یہ مہینہ قرآنی مہینہ ہے جس میں قرآن مجید کا نزول ہوا۔
اسی مہینہ کے آخری عشرہ میں شب قدر بھی ہے۔ اس مہینہ کی عظمت و اہمیت اور قدر و منزلت کا اندازہ اس سے لگایا جاسکتا ہے کہ آپ صلی اللہ علیہ والہ وسلم اس مبارک مہینہ کا دو ماہ قبل ہی سے انتظار کرتے تھے اور اس مہینہ کو پانے کے لیے اللہ تعالی سے دعا کیا کرتے تھے۔
