ریاست بہار میں 28 جون سے ہونے والے مانسون اجلاس کے پیش نظر اسمبلی میں تیاریاں زور شور پر نظر آئیں، اسی ضمن میں اسمبلی سپیکر وجے کمار چودھری نے محکمہ جاتی افسران سمیت پولیس افسران کے ساتھ ایک اہم میٹنگ کی صدارت کی۔
خیال رہے کہ 28 جون سے 26 جولائی تک چلنے والے اس مانسون سیشن کے دوران اسمبلی کے آس پاس ایک کلومیٹر کے دائرے میں دفعہ 144 نافذ رہے گی۔
اجلاس کے دوران سخت حفاظتی انتظامات رہیں گے، پولس محکمہ کے معتبر ذرائع نے بتایا کہ اس بار دھرنا اور مظاہرہ کرنے والوں پر سخت نظر رکھی جائے گی، کیونکہ گزشتہ اجلاس کے دوران کچھ اساتذہ مظاہرین اسمبلی گیٹ پر پہنچ گئے تھے۔
