آندھراپردیش میں کورونا کے 13,756 نئے کیسز درج

آندھراپردیش میں کورونا کے مثبت معاملات کا سلسلہ جاری ہے۔ گذشتہ 24 گھنٹوں کے دوران اس تلگو ریاست میں 79,564 نمونوں کی جانچ کی گئی جس میں 13,756 مثبت معاملات کا پتہ چلا۔ کورونا کی وجہ سے 104 نئی اموات درج ہوئیں اور 20,392 افراد صحتیاب ہوئے۔

ریاست بھر میں بہ حیثیت مجموعی 1.90کروڑ معائنے تاحال کئے گئے جن میں 16,68,847افراد مثبت پائے گئے ان میں 14,84,487افراد روبہ صحت ہوگئے جن کواسپتالوں سے گھر جانے کی اجازت دے دی گئی اور تاحال 10,738افراد کی اموات ہوئیں۔

تلگو ریاست میں موجودہ طورپر 1,73,622سرگرم معاملات ہیں۔مغربی گوداوری ضلع میں سب سے زیادہ 20افراد کی موت ہوئی جبکہ 13اموات کے ساتھ دوسرے نمبر پر ضلع چتوررہا۔وشاکھاپٹنم میں 10،اننت پور میں 9،مشرقی گوداوری میں 9،گنٹور میں 8،کرشنا میں 8،کرنول میں 7،نیلور میں 6،سر یکاکلم میں 5،کڑپہ میں 5اور پرکاشم میں ایک موت ہوئی۔