آندھراپردیش کے وزیراعلیٰ نے ہیلتھ ورکرز کی ستائش کی

آندھراپردیش کے وزیراعلیٰ وائی ایس جگن موہن ریڈی نے آج ورچول طریقہ کار کے ذریعہ طبی عملے کے افراد سے بات کی۔ انہوں نے ہیلتھ ورکرسز کی خدمات کو سراہتے ہوئے ان کا شکریہ بھی ادا کیا۔

ورچول اجلاس سے خطاب کرتے ہوئے جگن موہن ریڈی نے کہا کہ طبی عملے کے تمام افراد کی خدمات قابل ستائش ہے اور موجودہ کوویڈ بحران میں ان کی بے مثال خدمات کو سراہا۔ انہوں نے کہا کہ ڈاکٹرز، نرس اور دیگر عملے کے ارکان یہ جانتے ہوئے کہ یہ وبا مہلک ہے، خدمات انجام دے رہے ہے جو قابل تعریف ہے۔

وزیراعلیٰ نے طبی عملے کو ہرممکن مدد فراہم کرنے کا یقین دلایا۔ انہوں نے کہا کہ ’طبی عملے کی بے لوث خدمات کےلیے میں ریاست کے عوام کی جانب سے انہیں سلوٹ کرتا ہوں‘۔ انہوں نے کرنول جنرل اسپتال کے ماہر ڈاکٹر کلادھر، وشاکھاپٹنم اسپتال کی نرس وجئے لکشمی اور نیلور جی جی اسپتال میں کام کرنے والے سریش بابو سے بات کی۔

اس موقع پر طبی عملے کے ارکان نے کہا کہ سرکاری اسپتالوں میں مناسب مقدار میں دوائیں موجود ہیں اور حکومت کی جانب سے تمام تر سہولتیں مہیا کی جارہی ہیں۔ انہوں نے کہا کہ ہم مریضوں کی زندگیوں کو بچانے کےلیے پوری کوشش کر رہے ہیں اور حکومت بھی طبی خدمات کےلیے مکمل تعاون اور مدد کررہی ہے۔

آندھراپردیش کے وزیراعلیٰ وائی ایس جگن موہن ریڈی نے آج دیگر امور پر بھی ویڈیو کانفرنس کے ذریعہ ضلع کلکٹرز، ایس پیز اور دیگر اعلیٰ عہدیداروں کے ساتھ جائزہ اجلاس منعقد کیا۔