علی گڑھ مسلم یونیورسٹی (اے ایم یو) کینیڈی آڈیٹوریم میں کل رات نو بج کر تیس منٹ پر مشاعرہ شروع ہوا، جس میں کثیر تعداد میں یونیورسٹی کے طلبا کے علاوہ علی گڑھ کے دیگر لوگوں نے شرکت کی۔
مشاعرے کی صدارت پروفیسر ایم ایم سفیان بیگ، پرنسپل ڈاکٹر ذاکر حسین کالج نے کی، جبکہ نظامت کے فرائض ڈاکٹر شارق عقیل نے انجام دیے۔
آل انڈیا مشاعرہ ذاکر حسین انجینیئرنگ کالج، اے ایم یو، کے سالانہ تقریب 'ظرف' کی جانب سے منعقد کیا گیا۔
اس مشاعرے میں بھارت کے معروف شاعر راحت اندوری، طاہر فراز، واصف فاروقی، فہمی بدایوں، اظہر عنایتی، سلمان ظفر، پرویز کا کوردی، پاپولر میرٹھی، نواز دیوبندی اور عزم شاکری وغیرہ نے اپنے کلام سے سامعین کو محظوظ کیا۔
