ممتا کا نیا نعرہ 'جئے ہند، جئے بنگلا'

جئے شری رام کے نعرے پر بی جے پی کو سخت تنقید بنانے کے ایک دن بعد ممتا بنرجی اور دوسرے ترنمول کانگریس کے رہنماؤں نے اپنے فیس بک اور ٹوئٹر ڈسپلے پکچر کو 'جئے ہند، جئے بنگلا' سے بدل دیا ہے۔

قبل ازیں مغربی بنگال کی چیف منسٹر ممتا بنرجی نے بی جے پی پر سخت تنقید کرتے ہوئے الزام لگایا تھا کہ وہ مذہب کو سیاسی فائدہ کےلیے استعمال کر رہی ہے۔

ممتا بنرجی نے اپنے فیس بک پوسٹ میں لکھا کہ ہر سیاسی جماعت کا ایک نعرہ ہوتا ہے جبکہ ترنمول کانگریس کا نعرہ ’جئے ہند اور وندے ماترم‘ ہے اور بائیں بازو جماعت کا نعرہ ’انقلاب زندہ باد‘ ہے۔ نعرے الگ الگ ہونے کے باوجود ہم ایک دوسرے کا احترام کرتے ہیں۔

ممتا نے کہا کہ بی جے پی ’شری رام‘ کے مذہبی نعرہ کا استعمال غلط طریقہ سے اپنی پارٹی کے نعرے کے طور پر کر رہی ہے اور مذہب کو سیاست سے ملارہی ہے۔