ریاستی پولیس کے ایک ترجمان نے تفصیلات فراہم کرتے ہوئے کہا کہ براری پورہ کراسنگ کے نزدیک ہندواڑہ پولیس نے ناکہ چیکنگ کے دوران ایک سومو گاڑی کو روک کر اُس میں سوار ارشاد احمد نذیر احمد ڈار ساکن آہگام زچلڈارہ کی گرفتار کرکے اُس کے قبضے سے ایک کلو 856 گرام چرس برآمد کرکے تحویل میں لے لیا۔
سومو میں سوار اور ایک منشیات فروش جس کی شناخت محمد یاسین ڈار مجنون ڈار ساکن آہگام زچلڈارہ کے بطور ہوئی ہے نے راہِ فرار اختیار کی تاہم مفرور شخص کو ڈھونڈ نکالنے کے لیے بڑے پیمانے پر کارروائی شروع کی گئی ہے۔
پولیس نے دفعہ 161/2019 کے تحت مقدمہ درج کرکے مزید تحقیقات شروع کی ہے۔
پولیس کا کہنا ہے کہ منشیات فروش سماج کے دشمن ہیں لہٰذا ایسے عناصر کے خلاف کڑی کارروائی کرنا ناگزیر بن گیا ہے۔ لوگوں کو چاہیئے کہ وہ ایسے افراد کے بارے میں پولیس کو بروقت مطلع کریں جو منشیات کا زہر نوجوان نسل میں پھیلا رہے ہیں۔
پولیس نے ایسے افرا دکو متنبہ کیا ہے جو منشیات کا غیر قانونی دھندہ کرنے میں مصروف عمل ہیں وہ باز آجائیں بصورت دیگر وہ خود کو ایسی کڑی قانونی کارروائی کے لیے تیار رکھیں جس کے بارے میں انہوں نے سوچا تک نہ ہوگا۔