حیدرآباد: چڑیا گھر کے 8 شیروں میں کورونا وائرس کی تصدیق

حیدرآباد کی نہرو زولوجیکل پارک کے 8 شیر کووڈ ٹسٹ میں پازیٹیو پائے گئے جبکہ ان میں کورونا کی علامات ظاہر ہوئی تھیں

چڑیا گھر انتظامیہ نے ان شیروں کے نمونے سی سی ایم بی کو روانہ کئے تھے۔ ٹسٹ میں پتہ چلا کہ چڑیا گھر کے 8 شیر کورونا سے متاثر ہیں۔

زو حکام نے بتایا کہ متاثرہ شیروں کو الگ رکھا جارہا ہے۔ 8 متاثرہ شیر عام طور چاک و چوبند نظر آرہے ہیں اور غذا بھی ٹھیک لے رہے ہیں۔

کورونا کیسز میں بے تحاشہ اضافہ کے بعد وزارت ماحولیات کی ہدایت پر 2 مئی سے زو کو بند کردیا گیا۔ تلنگانہ میں کورونا کے کیسز میں اضافہ کے بعد رات کا کرفیو نافذ کیا گیا۔