مہاراشٹر میں مراٹھواڑہ علاقے کے 8اضلاع میں گزشتہ 24 گھنٹوں کے دوران کوروناوائرس(کووڈ-19) کے 396 نئے معاملے سامنے آئے ہیں۔
صحت افسران نے اتوارکو یہ اطلاع دی۔ انہوں نے بتایا کہ اسی دوران انفیکشن سے سات مریضوں کی موت ہوئی ہے۔ تمام ضلع ہیڈکوارٹر سے موصولہ رپورٹ کےمطابق آٹھوں اضلاع میں ناندیل اس وائرس سے سب سے زیادہ متاثر ہوا۔
اس دوران انفیکشن کے 30 نئے معاملے سامنے آئے اور چارمریضوں کی موت ہوئی۔ اس کے بعد اورنگ آباد میں 82 نئے معاملے اور دواموات، پربھنی میں 14 نئے معاملے ایک کی موت، بیڑ میں 80 نئے معاملے، جالنا میں 77، عثمان آباد میں 49، ہنگولی میں 41 اور لاتور میں 27 نئے معاملے درج کیے گئے۔
اس دوران پوری ریاست میں 3999 نئے معاملے اور 150 مریضوں کی موت کی رپورٹ موصول ہوئی ہے۔ اس کے ساتھ ہی ریاست میں متاثرین کی مجموعی تعداد 17.14 لاکھ تک پہنچ گئی ہے۔ جبکہ مزید 6749 مریضوں کی صحت یابی کے بعد اس سے نجات پانے والوں کی تعداد 15.69 لاکھ سے زیادہ ہوگئی ہے اور اب تک 45115 مریضوں کی موت ہوچکی ہے۔ یہاں فی الحال 99 ہزار مریض ریاست کے مختلف اسپتالوں اور کووڈ کیئر مراکز میں زیرعلاج ہیں۔
