سوشل میڈیا پر قابل اعتراض زبان کا استعمال، 10 افراد گرفتار

حیدرآباد پولیس نے مبینہ طور پر سوشل میڈیا پر میگا اسٹار چرنجیوی کے داماد کلیان دیو کو ہراساں کرنے کے الزام میں 10 افراد کو گرفتار کیا ہے۔

پولیس اہلکار نے کہا کہ تین روز قبل کلیان دیو نے شکایت درج کرائی تھی کہ انہیں انسٹاگرام پر 10 صارفین پریشان کر رہے ہیں۔ انہوں نے مزید کہا تھا کہ وہ ان کے خلاف قابل اعتراض زبان کا بھی استعمال کر رہے ہے۔'

پولیس کے مطابق انسٹاگرام پر کلیان دیو کے خلاف قابل اعتراض زبان استعمال کرنے کے الزام میں ملزمان کے خلاف کیس درج کر لیا گیا اور مزید تحقیقات شروع کر دی گئی ہے۔

انہوں نے مزید کہا کہ پولیس نے انسٹاگرام کو خط لکھا کر درخواست کی ہے کہ ملزمان کے خلاف جنکاری فراہم کی جائے۔

واضح رہے کہ کلیان دیو بزنس مین ہیں۔ انہوں نے سنہ 2016 میں چرنجیوی کی چھوٹی بیٹی سے شادی کی تھی۔