Football World Cup نوجوانوں نے ہجوم میں فٹ بال میچ دیکھنے کے لیے گھر خریدا

کیرالہ کے رناکولم میں فٹ بال کے کچھ شائقین نے فٹ بال ورلڈ کپ دیکھنے کے لیے ایک الگ ہی انداز اپنایا ہے۔ علاقہ کے 17 نوجوانوں نے مل کر 23 لاکھ روپے جمع کیے اور ایک گھر خریدا۔ یہ گھر اب ایک منی تھیٹر ہے، جس میں ایک بڑا اسمارٹ ٹی وی ہے اور فٹ بال کے شائقین کے میچ دیکھنے کے لیے کرسیاں ہیں۔ تمام لوگ اس 'فٹ بال ہاؤس' میں ورلڈ کپ کے میچ دیکھنے کے لیے جمع ہوتے ہیں۔ Youths Buy a House To Watch Football World Cup

ایرناکولم: ملک بھر میں فٹ بال کے بہت سے ایسے شائقین ہیں جو بڑی اسکرینز پر ہجوم میں فٹ بال دیکھنا پسند کرتے ہیں۔ کیرالہ میں فٹ بال کے شائقین بڑی اسکرینیں لگا کر ایک جگہ جمع ہو کر اپنی پسندیدہ ٹیموں کے لیے خوشی کا اظہار کر رہے ہیں۔ لیکن اسی درمیان فٹ بال کے کچھ شائقین سرخیوں میں ہیں۔ ایرناکولم میں کنگاراپڈی کے کچھ 'کریزی فینز' نے ایک الگ ہی انداز اپنایا ہے۔ دراصل کنگاراپڑی کے 17 نوجوانوں نے مل کر 23 لاکھ روپے جمع کیے اور ہجوم کے ساتھ فٹ بال ورلڈ کپ دیکھنے کے لیے ایک گھر خریدا۔ Youths Buy a House To Watch Football World Cup

یہ گھر اب ایک منی تھیٹر ہے، جس میں ایک بڑا اسمارٹ ٹی وی ہے اور فٹ بال کے شائقین کے میچ دیکھنے کے لیے کرسیاں ہیں۔ انہوں نے گھر کو مختلف فٹ بالنگ ممالک کی تصاویر اور جھنڈوں سے بھی سجایا ہے۔ اب بچے، بوڑھے اور فٹ بال سے محبت کرنے والے تمام لوگ اس 'فٹ بال ہاؤس' میں ورلڈ کپ کے میچ دیکھنے کے لیے جمع ہوتے ہیں۔

فٹ بال ہاؤس کے شریک مالکان میں سے ایک پی کے حارث کا کہنا ہے کہ 'ہر کوئی اپنے گھر یا موبائل فون پر میچ دیکھ سکتا ہے۔ لیکن جب آپ ہجوم میں میچ دیکھتے ہیں تو جو خوشی اور مزہ ملتا ہے وہ بے مثال ہے۔ گھر خریدنا پہلے سے طے شدہ خیال نہیں تھا۔ جب ورلڈ کپ کے میچ شروع ہوئے تھے، ہمیں اچانک ایسا خیال آیا اور ہم نے پیسے جمع کر کے گھر خرید لیا۔ ورلڈ کپ ختم ہونے کے بعد ہم اس گھر کو منہدم کر دیں گے اور ثقافتی اور کھیلوں کے مرکز کے لیے عمارت تعمیر کریں گے۔