Yashwant Sinha to Visit Hyderabad: صدارتی امیدوار یشونت سنہا کا دو جولائی کو حیدرآباد دورہ

تلنگانہ کی حکمران جماعت ٹی آر ایس کے علاوہ اے آئی ایم آئی ایم بھی صدر کے عہدہ کے لیے یشونت سنہا کی امیدواری کی حمایت کر رہی ہے۔ Yashwant Sinha to Visit Hyderabad

تلنگانہ میں حکمراں ٹی آر ایس (تلنگانہ راشٹرا سمیتی) 2 جولائی کو حیدرآباد میں اس وقت شاندار استقبال کرے گی اور ایک اجلاس کا اہتمام کرے گی جب صدارتی انتخابات میں اپوزیشن جماعتوں کے مشترکہ امیدوار یشونت سنہا شہر کا دورہ کریں گے۔ Yashwant Sinha to Visit Hyderabad

پارٹی نے جمعرات کےروز کہا کہ سنہا 2 جولائی کو بیگم پیٹ ہوائی اڈے پر پہنچیں گے اور ہوائی اڈے سے جلسہ گاہ جل وہار تک 10,000 بائک کے ساتھ ایک ریلی نکالی جائے گی۔ ٹی آر ایس کے ورکنگ صدر کے ٹی راما راؤ جو وزیراعلی کے چندر شیکھر راؤ کے فرزند ہیں، نے پارٹی رہنماوں سے سنہا کے دورہ کے لئے کئے جانے والے انتظامات پر تبادلہ خیال کیا۔

راما راؤ نے حال ہی میں کہا تھا کہ پارٹی آئینی اقدار کو برقرار رکھنے کے لیے سنہا کی حمایت کر رہی ہے۔ انہوں نے صدارتی انتخاب کے لیے قبائلی امیدوار کو کھڑا کرنے کے این ڈی اے کے فیصلے کو "ٹوکنزم" قرار دیا۔ ٹی آر ایس کے علاوہ اے آئی ایم آئی ایم بھی صدر کے عہدہ کے لیے سنہا کی امیدواری کی حمایت کر رہی ہے۔ اتفاق سے بی جے پی کی دو روزہ قومی ایگزیکٹو میٹنگ بھی یہاں 2 جولائی سے شروع ہو رہی ہے۔