سوشل میڈیا آج کی زندگی کا لازمی جز بن گیا ہے۔ صرف یہی نہیں سوشل میڈیا نے دنیا کو اتنا چھوٹا بنا دیا ہے کہ اب ایسا لگتا ہے جیسے دنیا اپنی گرفت میں ہے۔ صرف ایک کلک کے ساتھ دنیا کے کسی بھی کونے میں بیٹھے ہوئے فرد سے اب رابطہ کیا جاسکتا ہے۔ یہ سب کچھ سوشل میڈیا کے ذریعہ ممکن ہوا ہے اور آج ہم عالمی سوشل میڈیا ڈے world social media day منا رہے ہیں۔ سنہ 2010 سے ہر برس سوشل میڈیا ڈے منایا جارہا ہے۔
سوشل میڈیا ڈے کی تاریخ
دنیا کا سب سے پہلا سوشل میڈیا پلیٹ فارم سکس ڈگریس 1997 میں لانچ کیا گیا تھا۔ اس کی بنیاد اینڈریو وینریچ نے رکھی تھی۔ اس کے بعد سال 2001 میں اسے بند کردیا گیا تھا۔ ابتدائی طور پر فرینڈسٹر، مائی اسپیس اور فیس بک کا استعمال لوگوں سے بات چیت کرنے کے لئے کیا گیا۔ فرینڈسٹر اور لنکڈ ان کو 2002 میں لانچ کیا گیا تھا جبکہ مائے اسپیس 2003 میں لانچ کیا گیا تھا۔ ورلڈ سوشل میڈیا ڈے کا آغاز 30 جون 2010 کو میشبل کے ذریعہ کیا گیا تھا۔ دنیا کے کسی بھی کونے میں ہو سوشل میڈیا کے ذریعے ایک دوسرے سے رابطہ قائم کر سکتے ہیں۔ اس کے ذریعے نہ صرف مواصلات میں انقلاب آیا ہے بلکہ کاروبار اور اشتہاری دنیا میں بھی زبردست انقلاب برپا ہوا ہے۔ اب ٹویٹر، انسٹاگرام، اسنیپ چیٹ جیسے پلیٹ فارم بھی بڑے پیمانے پر استعمال کیا جا رہا ہے۔
بھارت میں سوشل میڈیا یوزرس
واٹس ایپ 53 کروڑ
یو ٹیوب 44.8 کروڑ
فیس بک 41 کروڑ
انسٹاگرام 21 کروڑ
ٹویٹر 1.75 کروڑ
کورونا وبا میں نبھایا اہم کردار
کورونا وائرس کی وبا کے اس دور میں ، صرف ایک ہی سوشل میڈیا ہے جو ہم سب کو تفریح اور لوگوں سے مربوط رکھتا ہے۔ اس کے ساتھ ساتھ ایسی بہت سی چیزیں ہیں جو لاک ڈاؤن کی وجہ سے تعطل کا شکار ہیں، وہ سوشل میڈیا نیٹ ورک کے ذریعے بھی کی جارہی ہیں۔
ورلڈ سوشل میڈیا ڈے کی اہمیت
عالمی سوشل میڈیا ڈے دنیا بھر میں سوشل میڈیا پلیٹ فارم کی اہمیت کو اجاگر کرنے کے لیے منایا جاتا ہے۔
مسیجنگ سروس ایپ پر ہزاروں میل دور بیٹھے شخص سے رابطہ کرسکتے ہیں۔ ایک بٹن کے ٹیپ پر آپ کے پاس دنیا ہو سکتی ہے۔
یہ آپ کے برانڈ کو فروغ دینے اور اس کی تشہیر کرنے کے لئے تعلقات استوار کرنے اور صارفین سے رابطہ قائم کرنے میں مدد کرتا ہے۔
تمام اہم معلومات اب سوشل میڈیا پر دستیاب ہیں۔ اس سے لوگوں کو بہتر طریقے سے سمجھنے اور بات چیت کرنے میں مدد ملی ہے۔
ہوٹ سوٹ کے مطابق گزشتہ ایک سال میں انٹرنیٹ استعمال کرنے والوں کی تعداد میں 7.6 فیصد کا اضافہ ہوا ہے۔ یہ 4.72 ارب تک پہنچ گئی ہے۔ یہ دنیا کی آبادی کے 60 فیصد سے زیادہ کے برابر ہے۔
مزید پڑھیں:سوشل میڈیا اسٹار ہمانشی گاندھی کی خودکشی کا ویڈیو وائرل
ڈاٹا کے مطابق، ایک سال میں آدھے ارب سے زیادہ نئے صارفین سوشل میڈیا سے جڑے ہوئے ہیں۔ اپریل 2021 تک 4.33 بلین لوگ سوشل میڈیا یوزر ہیں۔ بھارت میں جنوری 2021 تک 448 ملین سوشل میڈیا صارفین ہیں۔ 2020 سے 2021 کے درمیان 78 ملین (+21 فیصد) کا اضافہ ہوا ہے۔ واٹس ایپ ملک میں سب سے زیادہ استعمال ہونے والی ایپ ہے۔ اس کے بعد یوٹیوب، فیس بک، انسٹاگرام اور ٹویٹر ہے۔
