Vande Bharat Express سورت میں وندے بھارت ایکسپریس پر پتھراؤ، اویسی کررہے تھے سفر

کھڑکی کے ٹوٹے شیشے کی تصویریں شیئر کرتے ہوئے AIMIM لیڈر وارث پٹھان نے ٹویٹ کیا کہ گزشتہ روز جب اسد الدین اویسی، صابر کابلی والا اور ہماری ٹیم احمد آباد سے سورت جانے والی 'وندے بھارت ایکسپریس' ٹرین میں سفر کر رہی تھی تو کچھ نامعلوم لوگوں نے پتھراؤ کیا۔ window glass broken vande bharat express gujarat

گجرات میں وندے بھارت ایکسپریس پر پتھراؤ کیا گیا ہے۔ کچھ نامعلوم افراد نے ٹرین کی کھڑکیوں پر پتھر پھینکے۔ اے آئی ایم آئی ایم کے سربراہ اسد الدین اویسی ٹرین میں سوار تھے۔ پارٹی لیڈر وارث پٹھان نے دعویٰ کیا کہ اویسی ملزموں کا نشانہ تھے۔ پٹھان نے دعویٰ کیا کہ اے آئی ایم آئی ایم کے سربراہ، پارٹی کے گجرات ریاستی صدر صابر کابلی والا اور پارٹی کے دیگر لیڈران کے ساتھ احمد آباد سے سورت کے لیے 'وندے بھارت ایکسپریس' میں سفر کر رہے تھے جب یہ واقعہ پیش آیا۔window glass broken vande bharat express gujarat

سورت میں وندے بھارت ایکسپریس پر پتھراؤ، اویسی کررہے تھے سفر

کھڑکی کے ٹوٹے شیشے کی تصویریں شیئر کرتے ہوئے اے آئی ایم آئی ایم لیڈر وارث پٹھان نے ٹویٹ کیا کہ گزشتہ روز جب اسد الدین اویسی، صابر کابلی والا اور ہماری ٹیم احمد آباد سے سورت جانے والی 'وندے بھارت ایکسپریس' ٹرین میں سفر کر رہی تھی تو کچھ نامعلوم لوگوں نے پتھراؤ کیا۔

اس کے ساتھ انہوں نے دعویٰ کیا کہ اویسی پر یہ پتھر جان بوجھ کر مارے گئے ہیں۔ واقعہ کے بعد گجرات میں ایک جلسہ عام سے خطاب کرتے ہوئے پٹھان نے دعویٰ کیا کہ جس کوچ میں اسد الدین اویسی بیٹھے تھے، اس پر دو بار پتھراؤ کیا گیا۔

انہوں نے کہا کہ ہم نے آج احمد آباد سے سورت تک وندے بھارت ایکسپریس میں سفر کیا۔ جب ہم منزل سے 20 سے 25 کلومیٹر دور تھے تو پتھراؤ ہوا جس سے کھڑکی کے شیشے ٹوٹ گئے۔ اویسی کوچ میں بیٹھے تھے۔ پٹھان نے کہا کہ آپ ہمارے حقوق کے لیے ہماری آواز کو پتھراؤ سے نہیں دبا سکتے۔

وزیر اعظم نریندر مودی نے اس سال 30 ستمبر کو گاندھی نگر-ممبئی سنٹرل وندے بھارت ایکسپریس ٹرین کو گاندھی نگر سے ہری جھنڈی دکھا کر روانہ کیا تھا۔ غور طلب ہے کہ اویسی آئندہ انتخابات کے پیش نظر گجرات کا دورہ کر رہے ہیں۔ ریاست میں یکم اور 5 دسمبر کو اسمبلی انتخابات ہونے ہیں اور ووٹوں کی گنتی 8 دسمبر کو ہوگی۔