مرکزی وزیر داخلہ امت شاہ نے ہفتہ کہا کہ پالیسی فیصلے لیتے وقت ہم نے یہ کبھی نہیں سوچا کہ ایسا کرنے سے ہم انتخابات جیت پائیں گے یا نہیں۔امت شاہ آج یہاں کئی اسکیموں کا افتتاح کریں گے۔ وہ یہاں ایک جلسہ عام سے خطاب کریں گے۔ وہ بھارتیہ جنتا پارٹی (بی جے پی) کور کمیٹی کی میٹنگ میں بھی شرکت کریں گے۔
امت شاہ ریاست اترا کھنڈ کے جیلی گراونڈ ہوائی اڈے پر پہنچنے پر ریاست کے وزیر اعلیٰ پشکر سنگھ دھامی، اسمبلی اسپیکر پریم چند اگروال اور بی جے پی کے ریاستی صدر مدن کوشک نے ان کا خیرمقدم کیا۔
اس موقع پر ایم ایل اے مسٹر کھجانداس، میئر رشیکیش انیتا ممگائی، بی جے پی کے ریاستی جنرل سکریٹری تنظیم اجے کمار ، بی جے پی کے ریاستی جنرل سکریٹری سریش بھٹ، کلدیپ کمار، پولیس کے ڈائریکٹر جنرل (ڈی جی پی) اشوک کمار، ضلع مجسٹریٹ دہرادون ڈاکٹر آر راجیش کمار اور ڈی آئی جی جنمےجے کھنڈوری نے بھی مرکزی وزیر داخلہ کا استقبال کیا۔
میڈیا سے مختصر بات چیت میں مرکزی وزیر داخلہ نے کہا کہ پالیسی فیصلے لیتے وقت ہم نے کبھی نہیں سوچا کہ ایسا کرنے سے ہم انتخابات جیت پائیں گے یا نہیں۔ وزیر اعظم مودی جی کی ایک ہی سوچ رہتی ہے کہ اس سے جو مستفدین ہیں، ان کا فائدہ ہوگا یا نہیں۔