بھیلواڑہ:وزیر اعظم نریندر مودی نے بھگوان دیو نارائن کااوتار کمل پر ہونا اور جی 20-کے لوگوجس میں کمل کے اوپر پوری دنیا کو بٹایا گیا ہے کو بڑا اتفاق بتاتے ہوئے کہا ہے کہ ہم تو وہ لوگ ہیں،جس کی پیدائش کمل کے ساتھ ہوئی ہے، اس لئے ہمارا اور آپ کا رشتہ کچھ گہرا ہے۔ مودی راجستھان کے بھیلواڑہ ضلع میں آسیند کے مالاسری ڈونگڑی میں بھگوان دیونارائن کی 111ویں سالگرہ پر منعدہ اجلاس کو خطاب کرتے ہوئے آج یہ بات کہی۔
انہوں نے کہاکہ 'یہ بھی دیکھے کیسا اتفاق ہے۔ بھگوان دیو نارائن جی کی 111واں اوتارن سال اسی وقت بھارت کی جی 20-کی صدارت اور اس میں بھگوان دیو نارائن کا اوتارن کمل پر ہوا تھا اور آج جی 20-کا جو لوگو ہے، اس میں بھی کمل کے اوپر پوری دنیا کو بٹھایا ہے۔ یہ بھی بڑا اتفاق ہے اور ہم تو وہ لوگ ہیں، جس کی پیدائش کمل کے ساتھ ہوئی ہے۔ اس لئے ہمارا آپ کا رشتہ کچھ تو گہراہے۔' انہوں نے کہاکہ لیکن میں قابل احترام سنتوں کو سلام کرتا ہوں۔اتنی بڑی تعداد میں یہاں آشرواد دینے آئے ہیں۔ میں معاشرے کا بھی شکر اداکرتا ہوں کہ ایک عقیدت مند کے طور پر آج مجھے یہاں بلایا۔ یہ سرکاری پروگرام نہیں ہے۔ پوری طرح معاشرے کی طاقت، معاشرے کی عقیدت اسی نے مجھے متاثر کیا اور میں آپ کے درمیان پہنچ گیا۔ میری طرف سے آپ سب کو بہت بہت مبارکباد۔'