کانگریس پارٹی کے سینیئر رہنما جے رام رمیش نے ٹویٹ کر کے مرکزی حکومت پر تنقید کی۔ جے رام رمیش نے مرکزی حکومت پر اپوزیشن اتحاد کو توڑنے کا الزام عائد کیا۔
انہوں نے کہا کہ مرکزی حکومت کی جانب سے اپوزیشن کو توڑنے کی کوششوں کے باوجود حزب اختلاف متحد ہے۔ جے رام رمیش نے ٹویٹر پہ لکھا 'ہمارا مطالبہ ہے کہ پیگاسس جاسوسی معاملے اور قومی سلامتی پر اس کے اثرات کے بارے میں وزیر داخلہ امت شاہ کے جواب کے ساتھ بحث کی جائے۔
اس کے علاوہ جے رام رمیش نے مزید لکھا کہ 'کسانوں کے مسائل اور ان کے تحفظ پر بحث ہو اور تینوں زرعی قوانین منسوخ کئے جائیں۔
واضح رہے کہ پیگاسس جاسوسی معاملے پر پارلیمنٹ مانسون سیشن میں حزب اختلاف مسلسل برسر اقتدار جماعت پر حملہ آور ہے اور اس بارے میں تفتیش کا مطالبہ کیا جا رہا ہے جبکہ کسان گزشتہ کئی ماہ سے زرعی قوانین کی واپسی پر احتجاج کر رہے ہیں لیکن مرکزی حکومت کسی بھی طرح سے ان معاملات پر اپوزیشن کی بات سُننے کو تیار نہیں ہے۔