اترپردیش شیعہ وقف بورڈ کے سابق چیئرمین وسیم رضوی نے حال ہی میں پیغمبر اسلام حضرت محمد صل اللہ علیہ وسلم کی شان میں ایک بار پھر سنگین گستاخی کی ہے۔ اس گستاخی رسول کے معاملے کی آل انڈیا مجلس مشاورت گجرات کے جنرل سیکریٹری واصف حسین شیخ نے سخت لفظوں میں مذمت کی ہے۔
وسیم رضوی کو یو اے پی اے قانون کے تحت سزا دی جائے :واصف حسین شیخ
اس معاملے پر آل انڈیا مجلس مشاورت گجرات کے جنرل سیکریٹری واصف حسین شیخ نے کہا کہ وسیم رضوی کا نام زبان پر لینا ہی غلط ہے۔ اس نے جو نازیبا الفاظ ہمارے پیارے نبی کریم کے خلاف استعمال کیے ہیں وہ انتہائی قابل مذمت ہیں اور اس کے لیے اس کی جتنی مذمت کی جائے کم ہے، بلکہ انسانیت کا درد رکھنے والے تمام لوگ اس نازیبا حرکت کی مذمت کرتے ہیں اور میں بھی اسکی مذمت کرتا ہوں۔