مرزا پورمیں بھارتی قالین میگا میلے کا آج سے انعقاد

قالین کی صنعت کو آگے بڑھانے کے لیے مرزا پور میں ورچوئل میلہ کا انعقاد کیا جارہا ہے۔ در حقیقت ہر سال جنوری میں دنیا کا سب سے بڑا بین الاقوامی قالین میلہ جرمنی کے شہر ہنور میں ہوتا ہے۔ لیکن اس بار کورونا وبا کی وجہ سے قالین میلہ کا اہتمام نہیں کیا جارہا ہے۔

ریاست اتر پردیش کے مرزاپور میں قالین کی صنعت کو فروغ دینے کے لیے ورچوئل میگا میلہ کا انعقاد کیا جارہا ہے۔ یہ میلہ آج (27 جنوری) سے یکم فروری تک جاری رہے گا۔ اس میں تقریبا 60 سے 65 ممالک کے شامل ہونے کی امید ہے۔ اب تک 40 سے 45 ممالک نے اس کے لیے اندراج کیا ہے۔ توقع ہے کہ اس میلے سے کورونا دور میں ہونے والے نقصانات کی تکمیل ہوگی۔

مرزا پور میں بھارتی قالین میگا میلہ کا آج سے انعقاد

برآمد کنندگان نے چار ماہ قبل لاک ڈاؤن میں ورچوئل میلے سے فائدہ اٹھایا۔ ہر ملک سے 12 سے 20 خریداروں کو شامل ہونے کا امکان ہے، ملک بھر سے 600 درآمد کنندگان کا ہدف طے کیا گیا ہے۔ ورچوئل میگا میلے میں 300 سے زیادہ برآمد کنندگان کو رکنے کی سہولت ہوگی۔

کورونا مدت کے دوران گزشتہ برس 21 اگست سے 25 اگست تک مجازی بھارتی قالین میلے میں 174 برآمد کنندگان نے اپنی مصنوعات کی نمائش کی تھی، اس میلے میں 62 ممالک سے 400 درآمد کنندگان شریک ہوئے تھے، جس میں برآمد کنندہ کو بہت فائدہ ہوا تھا۔ اس فائدہ کے پیش نظر ورچوئل میگا قالین میلہ کا انعقاد کیا جارہا ہے۔