ساسارام کے بعد اب نالندہ میں رام نومی کے دوران تشدد، متعدد زخمی نالندہ:بہار میں ساسارام کے بعد اب نالندہ سے بھی رام نومی کے دوران تشدد کی خبریں سامنے آ رہی ہیں۔ دراصل نالندہ میں جلوس بہار شریف کے اسپتال موڑ سے بابی منیرام کے میدان تک نکالا گیا۔ اس دوران گگن دیوان کے قریب دو گروپ آپس میں ٹکرا گئے۔ رام نومی کے پیش نظر انتظامیہ کی طرف سے وسیع انتظامات کیے گئے تھے۔ اس کے باوجود اس طرح کا واقعہ پیش آیا ہے۔
رام نوامی کے بعد نالندہ میں تشدد:دونوں گروپوں کے درمیان زبردست پتھراؤ ہوا۔ اس کے بعد مشتعل لوگوں نے گاڑیوں کو آگ لگانا شروع کر دیا۔ تقریباً ایک درجن گاڑیوں کو آگ کے حوالے کر دیا گیا ہے۔ فی الحال پولیس موقع پر پہنچ گئی ہے تاہم شرپسند بڑی تعداد میں موجود ہیں۔ اس لیے حالات پر قابو پانے کے لیے کافی کوششیں کرنی پڑ رہی ہیں۔واقعہ کی اطلاع ملتے ہی پولیس ٹیم موقع پر پہنچی اور دونوں فریقین کو سمجھانے کی کوشش کی۔ لیکن لوگ کچھ سننے کو تیار نہیں تھے۔ اس کے بعد پولیس نے لاٹھی چارج کر دیا تاکہ حالات مزید خراب نہ ہوں۔
پولیس لوگوں سے امن برقرار رکھنے کی اپیل کر رہی ہے۔ پتھر بازی میں ایک درجن افراد زخمی ہوئے ہیں۔ مقامی لوگوں کے مطابق رام نومی کے اختتام کے موقع پر ایک طرف سے جلوس نکالا گیا۔ جلوس دیوان گنج علاقے میں ایک مذہبی مقام سے جا رہا تھا۔ اسی دوران دوسری طرف سے لوگوں نے پتھراؤ شروع کر دیا۔ یہ دیکھ کر دونوں طرف کے لوگ بھی مشتعل ہو گئے اور دونوں طرف سے پتھراؤ شروع ہو گیا۔ اس دوران دیوان گنج علاقے کے کچھ سماج دشمن عناصر نے فائرنگ کی۔ اس میں جلوس میں شامل دو نوجوانوں کے زخمی ہونے کے بعد کشیدگی مزید بڑھ گئی۔
ساسارام میں بھی ہنگامہ:ساسارام میں بھی ایک پرتشدد واقعہ پیش آیا ہے۔ یہاں بھی شرپسندوں نے ہنگامہ برپا کر رکھا ہے۔ کئی گاڑیوں میں توڑ پھوڑ کی گئی اور دو گھروں کو آگ لگا دی گئی۔ شہر میں دفعہ 144 نافذ ہے۔ دوسری طرف مرکزی وزیر داخلہ امت شاہ 2 اپریل کو ساسارام کا دورہ کر رہے ہیں۔ ایسے میں اس حوالے سے بیان بازی بھی شروع ہو گئی ہے۔ بی جے پی اس کے لیے حکمراں پارٹی کو کٹہرے میں کھڑا کر رہی ہے، جب کہ آر جے ڈی نے جوابی کارروائی کرتے ہوئے بی جے پی کو نشانہ بنایا ہے۔
یہ بھی پڑھیں: Stone Pelting in Aurangabad اورنگ آباد کے اوہر گاؤں میں ہنگامہ اور پتھراؤ، متعدد زخمی
