ویکسینیشن سینٹر پر پیدل آنے والے ہر غریب کو لگے ٹیکہ: راہل

کانگریس کے سابق صدر راہل گاندھی نے ٹیکہ کاری کے لئے آن لائن رجسٹریشن کے سلسلے میں سرکار پر نکتہ چینی کرتے ہوئے جمعرات کے روز کہا کہ جن غریبوں کے پاس انٹرنیٹ نہیں ہے اور وہ بغیر رجسٹریشن کے پیدل چل کر ویکسینیشن سینٹر پر آتے ہیں۔ ان کو بھی ٹیکہ لگوانے کا حق ہے اور انہیں اس حق سے محروم نہیں رکھا جا سکتا۔

راہل گاندھی نے کہا ہے کہ ٹیکہ لگوانا ملک کے ہر شہری کا حق ہے اور آج بھی ایسے بے شمار غریب لوگ ہیں جن کے پاس انٹرنیٹ کی سہولت موجود نہیں ہے لیکن انہیں ٹیکہ لگانے کے حق سے محروم نہیں رکھا جاسکتا، اس لئے ویکسینیشن سینٹر پر آنے والے ہر شخص کو ٹیکہ لگانا چاہئے۔

کانگریس کے لیڈر نے ٹویٹ کیا کہ 'ویکسین کے لئے صرف آن لائن رجسٹریشن کافی نہیں ہے۔ ویکسین سینٹر چل کر آنے والے ہر شخص کو ٹیکہ ملنا چاہئے۔ زندگی کا حق ان کو بھی ہے جن کے پاس انٹرنیٹ نہیں ہے۔'

ٹویٹ

یو این آئی