UP ATS Arrested A Suspected Youth: اترپردیش اے ٹی ایس نے ایک مشتبہ نوجوان کو گرفتار کیا

اترپردیش اے ٹی ایس نے محمد ندیم نام کے ایک نوجوان کو گرفتار کیا ہے۔ اے ٹی ایس کے مطابق مذکورہ نوجوان جیش محمد اور تحریک طالبان پاکستان سے مبینہ طور پر وابستہ ہے۔ اس سلسلے میں تفتیش جاری ہے۔ UP ATS Arrested A Suspected Youth

لکھنؤ: اترپردیش کے انسداد دہشت گردی اسکواڈ نے سہارنپور سے محمد ندیم نام کے ایک مسلم نوجوان کو گرفتار کیا ہے۔ الزام ہے کہ یہ نوجوان جیش محمد اور تحریک طالبان پاکستان سے مبینہ طور پر وابستہ ہے۔ اے ٹی ایس اس سے پوچھ گچھ کر رہی ہے۔ یوپی اے ٹی ایس کے مطابق سہارنپور کے گنگوہ پولیس اسٹیشن کے تحت کنڈکلان سے گرفتار کیے گئے محمد ندیم کے پاس سے ایک موبائل فون برآمد ہوا ہے۔ اس میں ایک پی ڈی ایف دستاویز بھی ملا ہے جس کی ابھی تفتیش جاری ہے۔ اس کے علاوہ محمد ندیم کے فون سے مبینہ طور پر جیش محمد اور تحریک طالبان پاکستان (ٹی ٹی پی) کے عسکریت پسندوں سے چیٹ اور وائس میسجز بھی موصول ہوئے ہیں۔ Uttar Pradesh ATS arrested a suspected youth in Saharanpur

اے ڈی جی یو پی اے ٹی ایس نوین اروڑہ کے مطابق نوجوان سے تمام طرح کے چیٹس اور میسجز سے متعلق پاچھ گچھ کی گئی ہے جس میں اس نے بتایا کہ وہ 2018 سے جیش محمد اور تحریک طالبان پاکستان کے شدت پسندوں کے ساتھ واٹس ایپ، ٹیلی گرام، آئی ایم او، فیس بک میسنجر، کلب ہاؤس کے ذریعے رابطے میں تھا۔