مرادآباد: ریاست اتر پردیش کے مرادآباد گلاب باڑی علاقے میں واقعہ درگاہ حفیظ صاحب کا تین روزہ چلنے والے عرس میں زائرین نے درگاہ پر چادر پوشی کر کے دعائیں و منتیں مانگی گئیں۔ عرس کی شروعات تلاوت قرآن شریف محفل اور قوالی سے کی گئی۔ تین روزہ چلنے والے عرس میں ہر مذہب اور ملت کے لوگوں نے شرکت کی درگاہ حافظ صاحب کا یہ 173 واہ عرس تھا عرس کے دوران سیاسی لیڈروں نے بھی چادر پوشی کر کے دعائیں اور منتیں مانگیں۔ عرس کے آخری دن قل شریف ہوا۔ قل شریف میں ملک کی ترقی امن و امان کے لیے دعائیں کی گئیں۔ درگاہ کے سجادہ نشین کوثر نبی حیات نے میڈیا سے بات چیت کرتے ہوئے بتایا کہ گزشتہ برسوں کے دوران کرونا وائرس کی وجہ سے درگاہ پر عرس نہیں ہو سکا۔ اللہ کا شکر ہے اس سال درگاہ پر عرس شان و شوکت کے ساتھ منایا جا رہا ہے Urs were Arranged in Dargahs in India۔
گیا: ریاست بہار کے شہر گیا میں واقع خانقاہ چشتیہ منعمیہ ابوالعلائیہ میں "خواجہ بہار حضرت شاہ عطاء حسین فانی" کا سالانہ عرس اختتام ہوگیا ہے۔ عرس کی تقریب میں شہر واطراف کے معززین سمیت بیرونی عقیدت مندوں کی آمد ہوئی۔ اس موقع پر جلسہ سیرت النبی کا بھی انعقاد ہوا، جس میں مولانا سید صباح الدین منعمی سجادہ نشین خانقاہ چشتیہ منعمیہ ابوالعلائیہ نے صوفیاء اور ان کے کردار و اخلاق کے عنوان پر پرمغز خطاب کرتے ہوئے کہا کہ صوفیائے کرام نے دلوں کو جوڑا ہے۔ ان کے اخلاق و کردار سے لوگ متاثر ہوئے اور مذہب اسلام کو اپنایا۔ بزرگوں کا عمل ہی رہا ہے کہ وہ اپنی بات اخلاق سے دوسروں تک پہنچایا آج بھی بزرگوں کی تعلیمات کو عام کرنے کی ضرورت ہے۔