اندور سے دبئی کی فلائٹ شروع، گوالیار سے اندور کا سفر بھی آسان ہوا

ایئرانڈیا نے اندور سے دبئی کے لیے (Indore To Dubai Direct Flight) براہ راست پرواز شروع کی ہے۔ مرکزی شہری ہوا بازی کے وزیر جیوتیرادتیہ سندھیا نے آج اس کا افتتاح کیا ہے۔ اس کے علاوہ گوالیار سے اندور اور دہلی کے لیے بھی پروازیں شروع کی گئی ہیں۔

آج اندور سے دبئی کے لیے براہ راست فضائی سروس شروع کی گئی۔ اس طرح 17 ماہ کے بعد ایک بار پھر ریاست کا اقتصادی دارالحکومت اندور کو بین الاقوامی ہوائی خدمات سے جوڑ دیا گیا ہے۔

اس کے علاوہ دہلی-گوالیار اور اندور (Indore To Gwalior Direct Flight) کو جوڑنے والی انڈیگو کی پرواز کو جھنڈی دکھائی گئی۔

افتتاحی پروگرام میں، وزیر اعلی شیوراج سنگھ چوہان اور مرکزی وزیر جیوتیرادتیہ سندھیا، کئی ریاستی وزرا، وزیر زراعت نریندر سنگھ تومر، بی جے پی لیڈر کیلاش وجے ورگیا نے شرکت کی۔

ایک عرصے سے اندور کے لوگوں کا دبئی کے لیے براہ راست پروازوں کا مطالبہ تھا۔ فلائٹ آپریشن صرف کورونا کی پہلی لہر کے دوران روکا گیا تھا۔

اندور کے لوگوں کو یہ تحفہ آج صبح سویرے پیش کیا گیا۔ کورونا کے بعد اندور ملک کا 10 واں شہر ہے جہاں سے دبئی کے لیے براہ راست فلائٹ سروس شروع ہوئی۔

ایئر انڈیا کی پرواز بنگلور سے اندور آئے گی اور یہاں سے دبئی کے لیے پرواز کرے گی۔

شام دبئی سے روانہ ہونے والی پرواز رات کو اندور پہنچے گی۔

اس کے علاوہ اندور ہوائی اڈے سے گوالیار، لکھنؤ، احمد آباد اور ناگپور کے لیے بھی براہ راست پروازیں شروع ہو گئی ہیں۔

مرکزی شہری ہوا بازی کے وزیر جیوترادتیہ سندھیا اور شہری ہوا بازی کے وزیر مملکت جنرل وی کے سنگھ اس پروگرام میں ورچوئل میڈیم کے ذریعے دہلی سے شامل ہوئے۔

سی ایم شیوراج سنگھ چوہان نے مرکزی وزیر جیوتیرادتیہ سندھیا سے کہا کہ آپ سے درخواست ہے کہ اندور ہوائی اڈے کو بین الاقوامی ہوائی اڈہ بنایا جائے۔

ریاست کے لیے ضروری ہے کہ اندور اور بھوپال میں بین الاقوامی ہوائی اڈے بنائے جائیں۔

جیوتیرادتیہ سندھیا نے کہا کہ مجھے سول ایوی ایشن ڈیپارٹمنٹ سنبھالے 53 دن گزر چکے ہیں۔

اس دوران ہم نے مدھیہ پردیش کو 58 پروازیں دی ہیں۔

جیوترادتیہ سندھیا نے بتایا کہ اس سے پہلے اندور سے آٹھ شہروں کے لیے براہ راست پرواز تھی۔

اب اندور سے 13 شہروں کے لیے براہ راست پرواز ہے۔ انہوں نے حکومت سے رن وے کی توسیع کے لیے زمین الاٹ کرنے کا بھی مطالبہ کیا۔